(Cartaz da campaña do Concello de Ribadeo nas libraríase panaderías da localidade e das parroquias para fomentar
o uso cotiá da nosa língua. Premer sobre a imaxe para amplia-la)
NOTA: No Día das Letras deste ano celébrase o traballo literario de Xosé María Álvarez Blázquez: ligazón á páxina que ten adicada na web da Real Academia Galega.
LIGAZÓN á blogue Galicia Confidencial, que ofrece unha relación de artigos relacionados co Día das Letras.
"Ise neno da rúa"
ResponderEliminarNon é certo que os nenos teñan fame
Non pode ser.
Ben o sabedes todos
os que andades no mundo atafegados
á percura do pan dos vosos fillos
Ises outros que vedes pola rúa
pedindo esmola,
non teñen fame, non, porque daquela
vos teríades morto de vergonza.
E ben vos vexo andar nos vosos coches
ou nos tranvías, a berrar de cousas
estranas, -¡viva, beba, baba, buba¡-
sen reparar naquil esfarrapado
que coa moura mauciña está petando
na porta de ferro.
Por iso penso que non é verdade
o que algún caviloso di dos nenos
que andan así petando pola vida
-¡Non, home, non¡- lle dixen a un de aqueles-
A xente pasa leda......¡Fora boa
que andivesen a rirse dos seus crimes¡
Xosé María Álvarez Blázquez